TEEAL-Essentail Electronic Agricultural Library
- A digital library for excellence in agricultural research and education 1993-2010
អាចស្វែងរកនៅក្នុងមជ្ឈមណ្ឌលឯកសារ។
បទបញ្ជាផ្ទៃក្នុងបណ្ណាល័យ
បទបញ្ជាផ្ទៃក្នុងបណ្ណាល័យ
ប្រការ ១ ៖ពេលធ្វើការ ៖ - ព្រឹក ម៉ោង ៖ ៨ : ០០ ដល់ ១១: ៣០រសៀល ម៉ោង ៖១៣ : ០០ ដល់ ១៦ : ៣០
- ធ្វើការរៀងរាល់ថ្ងៃ ច័ន្ទ ដល់ អាទិត្យ លើកលែងតែថ្ងៃបុណ្យ
ប្រការ ២៖មជ្ឈមណ្ឌលឯកសារ បើកទូលាយឲ្យចូលអានសៀវភៅ និងឯកសារផ្សេងៗ ក្នុងបណ្ណាល័យ គ្រប់មជ្ឈដ្ឋានទាំងអស់ តែមិនអនុញ្ញាតឲ្យខ្ចីសៀវភៅ ឬឯកសារចេញក្រៅទេ ។ ការខ្ចីសៀវភៅ ឬឯកសារចេញក្រៅ អនុញ្ញាតបានចំពោះតែមន្ដ្រីរាជការ សាស្ដ្រាចារ្យ និងនិសិ្សត នៃសាកលវិទ្យាល័យភូមិន្ទកសិកម្មតែប៉ុណ្ណោះ
ប្រការ ៣ ៖ដើម្បីចូលក្នុងបណ្ណាល័យបាន ត្រូវបង្ហាញលិខិតសម្គាល់ខ្លួននិសិ្សតប្រចាំឆ្នាំ និងទុកកាតាប ឬកាបូបរបស់ខ្លួន នៅតាមកន្លែងបានកំណត់ ។ បណ្ណារក្ខមិនទទួលខុសត្រូវចំពោះវត្ថុមានតម្លៃ ក្នុងកាតាប ឬកាបូបនោះទេ ។ ច្បាប់នេះគ្មានករណីលើកលែង
ប្រការ ៤៖អ្នកអានអាចខ្ចីសៀវភៅបច្ចេកទេសក្នុងមួយលើកបាន ២ ក្បាល និងទស្សនាដ្ដី់ ព្រឹត្ដិបត្រ ២ ច្បាប់ ។ រយៈពេលខ្ចី ១៥ ថ្ងៃក្នុងមួយដង។ ករណីលើកលែង ចំពោះនិសិ្សតឆ្នាំទី ៤ គឺអនុញ្ញាតឲ្យខ្ចីសៀវភៅបច្ចេកទេស ៥ ក្បាល ទស្សនាដ្ដី និងព្រឹត្ដិបត្រ ៥ ច្បាប់ ក្នុងរយៈពេល ១ ខែ
ប្រការ ៥៖អ្នកខ្ចី ដែលមានបំណងចង់ទុកឯកសារណាមួយរយៈពេលយូរជាងពេលដែលកំណត់ក្នុងប្រការ ៤ ខាងលើ ត្រូវមកសុំការអនុញ្ញាតខ្ចីបន្ដទៀតពីបណ្ណារក្ខ ។ ឯកសារ ឬសៀវភៅមួយអាចឲ្យខ្ចីបន្ដបាន ៣ ដង តែករណីដែលអ្នកដ៍ទៃទៀតត្រូវការខ្ចីឯកសារនេះដែរ នោះត្រូវអនុញ្ញាតឲ្យបានតែ ២ ដងទេ
ប្រការ ៦៖ត្រូវសងសៀវភៅ ឬឯកសារទៅបណ្ណាល័យវិញតាមកាលកំណត់ ទើបអាចខ្ចីសៀវភៅថ្មីទៀតបាន ។ ក្នុងករណីហួសថ្ងៃកំណត់ អ្នកខ្ចីត្រូវបង់ពិន័យជាទឹកប្រាក់ ៥០០ រៀល ក្នុងរយៈពេលមួយថ្ងៃ សម្រាប់សៀវភៅមួយក្បាល ។ បញ្ជាក់ ត្រូវមានវិក្កយបត្រទូទាត់
ប្រការ ៧៖អ្នកអានត្រូវថែរក្សាសៀវភៅ ឬឯកសារទាំងឡាយដែលខ្លួនបានខ្ចី និងប្រគល់សងវិញឲ្យមានភាពល្អដូចដើម ។ តែមុននឹងខ្ចី ត្រូវពិនិត្យមើលទំព័រ រូបភាពផ្សេងៗ។ល។ ដែលមាននៅក្នុងសៀវភៅឲ្យបានច្បាស់លាស់ ហើយរាយការណ៍ប្រាប់បណ្ណារក្ខអំពីការខូចខាត បាត់បង់ ឬរហែកក្នុងសៀភៅនោះ ដើម្បីជៀសវាងការភ័ន្ដច្រឡំ ។ បណ្ណារក្ខអាចព្រមានចំពោះអ្នកអាន អ្នកខ្ចីណាដែលមានការធ្វេសប្រហែសលើការថែរក្សាសៀវភៅ ។ នៅពេលព្រមានលើកទី ៣ អ្នកអាន អ្នកខ្ចី នោះពុំអនុញ្ញាតឲ្យចូលក្នុងបណ្ណាល័យបានទៀតទេ
ប្រការ ៨៖រាល់ការបាត់បង់ ឬខូចខាតសៀវភៅ ចំពោះឯកសារណាមួយ អ្នកអានត្រូវទិញសង ឬទទួលការពិន័យ ជាទឹកប្រាក់ទៅតាមតម្លៃសៀវភៅនោះ និងរួមបញ្ចូលទាំងករណីហួសថ្ងៃកំណត់ (ក្នុងប្រការ ៦) ។ បញ្ជាក់ត្រូវមានវិក្កយបត្រទូទាត់
ប្រការ ៩៖ចំពោះសៀវភៅ ឬឯកសារដែលសម្គាល់ដោយសញ្ញាត្រាក្រហម “ ហាមខ្ចី ” អ្នកអានអាចប្រើប្រាស់បានតែក្នុងបណ្ណាល័យប៉ុណ្ណោះ ។ ប៉ុន្ដែអាចថតចម្លងក្នុងបណ្ណាល័យបានដោយត្រូវបង់ថ្លៃ
ប្រការ ១០៖រាល់សៀវភៅទាំងអស់ដែលបានចុះបញ្ជីក្នុងបណ្ណាល័យ នៃមជ្ឈមណ្ឌលឯកសាររួចហើយមិនអនុញ្ញាតិឲ្យយកទៅដាក់តាមបណ្ណាល័យណាមួយឡើយ
ប្រការ ១១៖រៀងរាល់មុនពេលការពារសារណា និសិ្សតគ្រប់មហាវិទ្យាល័យទាំងអស់ត្រូវសងឲ្យអស់នូវសៀវភៅ ឬឯកសារដែលបានខ្ចីពីបណ្ណាល័យ
* សាកលវិទ្យាល័យភូមិន្ទកសិកម្ម មិនផ្ដល់សញ្ញាបត្រ ដល់និសិ្សតណាដែលមិនគោរពប្រការនេះឡើយ
ប្រការ ១២៖អ្នកអានត្រូវរក្សាភាពស្ងៀមស្ងាត់ សណ្ដាប់ធ្នាប់ល្អ ប្រកាន់ឥរិយាបទថ្លៃថ្នូរ មានសុជីវធម៌ ស្លៀកពាក់សមរម្យ និងថែទាំអនាម័យក្នុងបណ្ណាល័យ
ប្រការ ១៣ ៖ពេលអានរួច អ្នកអានមិនត្រូវយកសៀវភៅទៅទុកក្នុងទូ ឬធ្នើរដោយខ្លួនឯងទេ ត្រូវទុកសៀវភៅនៅលើ “ តុ ” រឺ “ រទេះរុញ ” ដែលកំណត់ដោយបណ្ណារក្ខ
ប្រការ ១៤ ៖ បណ្ណារក្ខមានសិទ្ធិឆែកឆេរអ្នកអាន ឬអ្នកស្រាវជ្រាវណាដែលមានមន្ទិលសង្ស័យ អំពីការបន្លំលួចយកសៀវភៅ ឬឯកសារចេញពីក្នុងបណ្ណាល័យ
ប្រការ ១៥ ៖បណ្ណាល័យស្ថិតនៅក្រោមការគ្រប់គ្រងរបស់បណ្ណារក្ខ ដែលជាអ្នកទទួលការខុសត្រូវលើដំណើរការកន្លែងនេះ
ប្រការ ១៦ ៖ អ្នកដែលបានលួចយកសៀវភៅ ឯកសារណាមួយ ឬក៏លួចហែកទំព័រត្រូវបណ្ដេញពីបណ្ណាល័យ ហើយត្រូវបញ្ជូនខ្លួនទៅក្រុមប្រឹក្សាវិន័យប្រចាំសាកលវិទ្យាល័យភូមិន្ទកសិកម្ម ជាអ្នកសម្រេចវិន័យបន្ថែមទៀត
ប្រការ ១៧ ៖ រាល់ការមិនគោរពបទបញ្ជាផ្ទៃក្នុងបណ្ណាល័យ ត្រូវបញ្ឈប់លែងឲ្យចូលបណ្ណាល័យ ៕